என் அறையில் தனியாக இருந்தேன்
நான்கு சுவர்களில் ஏதோ ஒன்றிற்கு
திடீரென வாய் முளைத்தது
கை முளைத்தது
கால் முளைத்தது
பேச யாரும் இன்றி நான் கசக்கி எறிந்த
கடதாசிகளை ஒவ்வொன்றாய் வாசித்தது
பின் நீண்ட மழைக் காலம் ஒன்றை
விழிகளில் சுமந்து கொண்டு
அறைச் சுவர் வெளியேற
தொடங்கியிருந்தது
நிலா தற்கொலை செய்து கொள்ளும்
அந்த நதிகளுக்கு
-ஜெம்சித் ஸமான்
No comments:
Post a Comment